start:O onv ONV chillu oru vattom
ചിത്രം : ചില്ല്
സംഗീതം : എം ബി ശ്രീനിവാസന്
രചന : ഓ. എന്. വി. കുറുപ്പ്
പാടിയത് : കെ ജെ യേശുദാസ്
ഒരു വട്ടം കൂടി എന്നോര്മ്മകള് മേയുന്ന
തിരുമുറ്റത്തെത്തുവാന് മോഹം (2)
തിരുമുറ്റത്തൊരു കോണില് നില്ക്കുന്നൊരാ നെല്ലി
മരം ഒന്നുലുത്തുവാന് മോഹം (2)
അടരുന്ന കായ്മണികള് പൊഴിയുമ്പോള്
ചെന്നെടുത്തു അതിലൊന്നു തിന്നുവാന് മോഹം
സുഖമെഴും കയ്പ്പും പുളിപ്പും മധുരവും
നുകരുവാന് എപ്പോഴും മോഹം
തൊടിയിലെ കിണര് വെള്ളം കോരി കുടിച്ച്
എന്തു മധുരം എന്നോതുവാന് മോഹം
ആ..ആ..ആ..ആ
ഒരു വട്ടം കൂടിയാ പുഴയുടെ തീരത്ത്
വെറുതെ ഇരിക്കുവാന് മോഹം (2)
വെറുതെ ഇരുന്നൊരു കുയിലിന്റെ
പാട്ടു കേട്ടെതിര് പാട്ടു പാടുവാന് മോഹം
എതിര് പാട്ടു പാടുവാന് മോഹം
അതു കേള്ക്കെ ഉച്ചത്തില് കൂകും കുയിലിന്റെ
ശ്രുതി പിന്തുടരുവാന് മോഹം
ഒടുവില് പിണങ്ങി പറന്നുപോം പക്ഷിയോട്
അരുതെ എന്നോതുവാന് മോഹം
No comments:
Post a Comment